Ua faailoa e le Peresetene o Lusia o Vladimir Putin ua toe maua e lana fitafita le pitonuu o Kursk lea e tuaoi ai ma Ukraine e ui o loo finau mai pea Ukraine o loo faaauau pea fetauiga.
Fai mai Putin i lipoti a le CNN ua matuā faia’ina le pulega a Kyiv ma ave ai lana faamalo i lana fitafita mo le faato’ilaloina o fitafita a Ukraine i lea nofoaga.
Tumau pea le finau ane a sui sinia o le faigamalo a Ukraine e lē moni faamatalaga a Lusia ona o loo faia pea fetauiga.
Fai mai e oo ane i le aoauli ananafi ua toeitiiti 70 osofa’iga a Lusia ua faia ane i nofoaga o iai fitafita a Ukraine.
Ua faailoa e le CNN o le vaiaso tāua lenei i feutana’iga i le va o Amerika faapea Lusia ma Ukraine mo se filemu i lea vaega o le lalolagi ma ua vaaia foi Trump ma Zelensky o faia sa la talanoaga a o sauni toe sauniga o Pope Faranisisi i le Vatikano ma ua lipotia foi se faamatalaga a Trump na faia e faapea ua oo ane i lona manatu e foliga e lē o mana’o Lusia e faauma le taua lea ae ua to’atele ane lava tagata ua maliliu ai.
Puna o Faamatalaga: https://edition.cnn.com/2025/04/26/europe/russia-regains-kursk-claim-intl/index.html
