Mai Melepone ua faailoa e fai si tele o sauniuniga e manaomia e le premier o Vitoria, Daniel Andrews I lona toe foi ane ai i upufai o le setete.O le aso e toalua tagata ua aafia I le koviti 19 mai Vitoria, toalua lea mai le komiuniti ma le toafa mai nofoaga faanofoesea.
O le toalua mai le komiuniti o ni close contacts o tagata na aafia muamua ile faamai ma e lei toe agai ile komiuniti talu mai le taimi sa faanofoesea ai. E 16,932 siaki na faia I totonu o le 24 itula ae 13,764 ilatou ua faia tuipuipui o le faamai I nofoaga o loo faia ai tui.
O le aso faraile talu ai na lifi ai le tapu I Melepone mai le lua vaiaso talu ai e ui o loo iai pea nisi o tuutuuga e ao ona usitaia e aofia ai le faasa o ni potopotoga I aiga, o le 25 km ole mamao faatagaina e faimalaga ai atoa ai ma le faia o le talifofoga I nofoaga I totonu poo indoors ma fafo foi seia oo atu I le aso 18 o le masina nei.
O Regional Victoria o loo faataga tagata asiasi e toalua I aiga ma nisi foi o aiaiga I faleaiga,papu ma faletoleni ma isi nofoaga. O le faaiuga o le masina ua fuafua e toe foi ane ai le premier Daniel Andrews I ona tofiga.
