Ua tuli nei le faasalaga ile falepuipui o le alii e suafa ia Michael Cruickshank 56 tausaga lea sa ia lafoina se imeli taufaamatau I le palemia o NIu Sila, Jacinta Adern ua tusia ai ni faamatalaga mamafa ma taufaamatau ai lona faaoo o le oti ile tamaitai palemia.
O le faamasinoga faaitumalo I Aukilani na fofogaina ai le mataupu lea ma faailoa ai e le faamasino I le na molia, ua ia leiloa le tuaoi sa tatau ona gata ai.
O nisi faamatalaga mai le lipoti a le herald ua faailoa ai I totonu o le piliota e fa masina mai ia Oketopa 2019 seia oo ia Ianuari 2020, sa lafoina ane ai e lea alii ni imeli e 88 i sui o le malo faapea le tamaitai palemia.
Na pueina I ni nai aso mulimuli ane ae ua taua na malaga mai ose tagata faigaluega leipa I Niu Sila nei mai Aialani I matu ile vaitausga o le 1990, na aafia I se faalavelave faafuasei ma manua ai I le 1995, ma amata mai ai lona le fiafia ile fesoasoani na maua ane mai le ACC mae foliga mai pei ona taua I lipoti, o I lea na amata tusitusi ai agai I le malo ma ua oo ai lava ile tulaga e pei ona aafia ai I le taimi nei.
O le faasalaga ua tuli nei ile falepuipui e tasi le tausaga ma le 8 masina.
