Ua lē talia e le Fofoga Fetalai o le Palemene le faitioga a le sui faipule o Faleata 3 le tofa Lealailepule Rimoni Aiafi faasaga i le faipule o Gagaemauga Numera Muamua le afioga i le Sui Palemia le afioga Tuala Tevaga Iosefo Ponifasio.
Ua faailoa e le fofoga o le fono susuga Papalii Li’o Oloipola Ta’eu Masipa’u e leai ni tulaga mamalu o le Palemene ua aafia i vaega na tuuina atu e Lealailepule ua faavae ai lana faitioga.
E lei faailoaina e le Fofoga Fetalai poo ā ia faitioga, ae ua ia folasia i le Palemene ina ua fesili le sui taitai o le Itu agai, o le a iai se taimi ona ia tuuina atu lea o lana faaiuga tusitusia i sui usufono o le fono aoao faitulafono mo lo latou silafia.
Le fofoga fetalai o le Palemene susuga Papalii Lio Oloipola Ta’eu Masipa’u.
