Ua lipotia i le asō i le tele o upega tafailagi ni solotetee ua fuafua i aai tetele o Ausetalia ma le lalolagi atoa i le Aso Gafua o muamua e i latou e lagolagoina Palesitina.
O i latou o loo tuufaatasia le taumafaiga ua faaigoa A15 Action ua valaau i tagata ina ia auai ane i le faamoemoe lea ma faailoa foi le lagolago i luga o upega tafailagi.
O le fuafuaga la e pei ona lipotia o le a taulai i le tamaoaiga o aai tetele o le a faia ai tetee.
Ua ta’ua i nisi lipoti o tetee ua faatulaga mo nofoaga e pei o uafu, train stations, auala tetele ma pisinisi ma ofisa.
Ua ta’ua foi i nisi lipoti ua iai nisi tetee ua agai sa’o i pisinisi tau felauaiga e iai sootaga ma Isaraelu.
Ua ta’ua foi i isi faasalalauga e lē o faatamala foi leoleo i le sauniuni o a latou foi tapenaga auā le puipuia o le atunuu i ni tulaga e ono solia ai tulafono i fuafuaga faapea.
Puna o Faamatalaga: https://www.9news.com.au/national/pro-palestine-protests-planned-australian-cities-a15-group-reports/90643f9f-705e-4f26-ac09-1e422086c2ff
