Ua lipotia e iai tagata galulue o loo gafa ma meaai a fanau aoga o loo maua fua nei, o le a o i le vāea o loo faasolo pea nei faatalanoaga i totonu o matagaluega a le malo.
O le polokalame o loo maua fua ai meaai a fanau aoga i totonu o Niu Sila, Ka Ora Ka Ako o lea na amata faaofi mai i le 2019 i lalo o le faigamalo a le Labour ma o lea o loo fafaga ai le tusa ma le 230,000 fanau aoga i le tusa ma le tasi afe aoga eseese.
Ua lipotia e le leitio a Niu Sila o galuega ua maua e ono o i le vāea e aofia ai i latou e patino iai lenei polokalame faapea tagata suesue faapitoa i le itu tau i le soifua maloloina o meataumafa, o tagata o loo vaaia lenei polokalame faaitumalo i tua, atoa ai ma tagata galulue e mataituina meaai lafoai.
Ua ta’ua mai ai foi o loo iai fuafuaga e tuu itiitia le aufaigaluega ma e lē o mautinoa se fuainumera tonu o le a o.
O le polokalame foi lenei ua mae’a faamautinoa mai e le minisita lagolago o aoga, David Seymour o loo faia pea iloiloga ma e ono lē sau i le paketi o loo faatali nei.
Ua fai mai ai foi ma le minisita lagolago, e lē o iai i totonu o le toe fetuunaiga o le aufaigaluega a le matagaluega o aoga, peitai e mafanafana e mafai lava ona faaauau le polokalame e tusa lava pe faaitiitia tagata e faatautaia.
Puna o Faamatalaga: Ministry of Education job cuts may affect school lunch programme | RNZ News
