O se lipoti lata mai i le lona 20 ai lenei o aso o le taua i Iran.
Ua faailoa mai e le CNN le osofa’ia e Isaraelu o nofoaga autū e iai kesi a Iran ma ua faailoa mai o le nofoaga autū lea o loo aveina ane ai le sapalai i totonu o le atunuu ma ua atili maualuga ai ma le tau o le suāuu.
I le tali ane o osofa’iga a Iran ua ta’ua ai i lipoti na aafia foi le nofoaga o le suāuu i Haifa i Isaraelu i se missile na fana ane mai Iran.
Lipotia ane foi e Saudi Arabia e 2 foi nofoaga faapea ua faaleagaina i lona laumua ona o osofa’iga lava a Iran.
Ua faailoa mai e le CNN ua faamaomao ese Trump mai osofa’iga ia a Isaraelu ma ia ta’ua na te le’i iloaina le osofa’iga lea i le nofoaga autū o le suāuu i Iran ma ua faailoa foi e Iran ua mae’a ona ia talanoa ia Netanyahu le Palemia o Isaraelu ina ia taofia loa osofa’iga i le suāuu ma le kesi i Iran.
O le aofa’i o tagata maliliu mai le taua o loo siitia pea ma ua faailoa ane foi e Lepanona ua silia i le afe tagata ua maliliu mai lo latou atunuu.
Puna o Faamatalaga: https://edition.cnn.com/2026/03/19/middleeast/us-israel-iran-middle-east-war-day-20-what-we-know-intl-hnk
