O le 6 ai lenei o vaiaso o le taua i Iran ma ua toe faia foi e Trump nisi o faamata’u aga’i ia Iran e faapea e ono faatama’ia atoa Iran i se po se tasi ma ua iai se fuafuaga a Amerika mo alalaupapa uma ma nofoaga o malosi’aga, power plant uma i le atunuu e ono faatama’ia uma i le vaeluaga o le po a taeao.
Fai mai le CNN o le aga’i o osofa’iga i nofoaga o loo aumau ai tagata lautele e ono faamauina o se soligatulafono o taua.
O lea foi ua toe faatulaga atu e Trump se taimi faatapulaa ia Iran e tatau ona toe tatala ai le Strait of Hormuz.
E ese mai la i ana faamata’u e pei ona lipotia e le CNN, ae ua faailoa foi o loo talanoa Amerika ma Iran mo se i’uga o le taua.
O le taimi nei ua sauni Isaraelu e osofa’i nisi o nofoaga ua taula’i iai a latou osofa’iga o loo faaauau pea.
Sa teena e Iran se fuafuaga e faamuta ai fetauiga ae sa tuuina ane sa latou foi fuafuaga ua faatulaga ane ai matāupu e 10 e manana’o e fai e aofia ai le faatulaga o se faiga mo le faaaogāina saogalemu o le Strait of Hormuz aemaise le aveesea o sā ua tuuina i lo latou atunuu.
Ta’ua e Trump o lea fuafuaga o se sitepu tāua ae lē lelei tele.
Ua faailoa i isi lipoti a le CNN ua faia ni talanoaga i le va o Oman ma Iran e faatatau i le Strait of Hormuz ae o loo faatumauina pea fesoota’iga i le va o Uosigitone ma Tehran e pei ona galulue ane iai Pakistan ma Aikupito.
Ua faamata’u ane Iran o le a o latou osofa’ia le ofisa o le AI i le United Arab Emirates, ua faamata’u ane foi le ta’ita’i’au a Iran o le a matala faitoto’a o Seoli pe afai e faaauau pea le si’omaga poo le infrastructure o Iran.
Puna o Faamatalaga: https://edition.cnn.com/2026/04/05/middleeast/iran-us-israel-war-what-we-know-week-6-intl-hnk
