I se vaaiga i le tulaga o loo iai le koronavairusi i Ausetalia nei. I NSW i le 24 itula talu ai sa faamauina ai e 15,704 tagata o loo aafia i le faama’i i le taimi nei. E to’a 34 tagata maliliu ma le 2,282 o tagata aafia i le koviti o loo taofia i maota gasegase, to’a 65 i potu tigaina.  

I Vitoria e 12,154 tagata aafia, to’a 37 tagata maliliu ma le 852 o gasegase o le koviti i le falema’i, 33 i potu tigaina.  

Mo le setete o Tasmania e 1,175 isi tagata ua aafia, to’afā le aumaliliu i totonu o le piliota lea ma le 176 o loo taofia i falema’i taofia potu tigaina.  

I le Northern Territory e 454 tagata aafia, to’a 61 o loo taofia i falema’i ae leai se soifua o ma’umau. I Kuiniselani ua faamauina e to’a 27 ua maliliu, 995 gasegase o le koviti i falema’i ma le 7,364 o tagata ua aafia i le faama’i.