I le lipoti lata mai o le koviti 19 ua faamatuu mai e le ofisa o le soifua maloloina ua taua ai se suiga laititi, ua siitia ai le aofai o tagata aafia ile koviti 19 lea ua faamauina ai ua oo atu i le 9,100 tagata ua aafia i le faamai i totonu o le vaiaso ua tuanai atu.

E amata mai le piliota i lea i le Aso Gafua 20 o le masina nei seia oo mai i le aso sa o le vaiaso nei, 26 o Fepuari. E oo mai i le vaeluaga ole po anapo ua 200 gasegase o le koviti o loo taofia i falemai.

E toa 40 isi tagata aafia i le vairusi ua maliliu e iai sootaga i le faamai ma e aofia ai ma se tamaititi e itiiti ifo i le 10 tausaga le matua o loo aofia ai i lea aofaiga.