I le lipoti aupito lata mai o le Koviti-19 pei ona faailoa mai e le matagaluega o le soifua maloloina. O le piliota e amata mai i le Aso Gafua 9 o Ianuari seia oo mai i le Aso Sa 15 o Ianuari o ananafi lea, o le aofai o tagata aafia e oo mai i le vaeluaga o le po anapo e 333 gasegse o le koviti o loo taofia i falemai e aofia ai le toa 8 i potu tigaina.

Ua faailoa foi e toa 57 isi tagata ua maliliu e iai sootaga i le koviti e aofia ai ma se tamaititi e i lalo o le 10 tausaga le matua a o le isi e i le va o le 10-19 tausaga le matua.

O le isi toa 55 o le aumaliliu o le au matutua ma e toa 30 le itupa o alii ma le 27 o tamaitai.

Ua oo atu nei le aofai o tagata maliliu e iai sootaga i le faamai i le 2437. O le toatele o le aumaliliu i lena vaiaso sa faamauina foi i Aukilani e toa 19.

Ua faaauau pea ona faaitiitia le numera o tagata aafia i le faamai lea ua ta’ua mai e 19,215 i le vaiaso na tea nei.