E ono misi foi e le alii taalo o le Dragons o Tyrell Fuimaono le masina muamua o le taamilosaga o le lakapi liki ina ua tuuina mai se faaiuga mai le match review committee e faatatau I lana pue I le tama taalo o le Eels Haze Dunster.
Lipotia e le 9 Sport e iai foi leisi faasalaga o Fuimaono I seisi foi ana pue maualuga ile fulupeki a le au a Melepone, Ryan Papen huyzen ao lea foi ua toe tuuina iai le faasalaga e lima vaiaso mai le Komiti e iloiloina taaloga.
E ui I ia faasalaga ae o loo taua ile lipoti o Fuimaono o se tasi o tama taalo lelei a le Dragons mai le tausaga talu ai.Ua faamaonia foi o si alii talavou o Dunster mai le Eels o le a misia le taamilosaga atoa o le tausaga nei ona o manuaga mai lea pue.
Fai mai nisi faiaoga o le taaloga e lei fuafuaina le tulaga na iai.
