O le Ring Magazine e faaigoa o le The Bible of Boxing ma e masani ona o latou faatulagaina le faasologa o tagata I vaega eseese o fusuaga ma ua o latou siitia nei le tulaga o le alii fusu o Joseph Parker I le tulaga fa.
O lona uiga ua faatulaga ai Parker e sosoo ma Deontay Wilder I le tulaga tolu, Anthony Joshua I le numera lua ma Oleksandr Usik ma TRyson Fury I le Numera tasi.
Fai mai lipoti o loo silasila le Ring Magazine I le umi o le taleni a le alii fuu ma sa iai pea I le 10 pito I luga I le tusa nei ma le 277 vaiaso .Ua faia mai lea faatulagana ao sauni ai Parker I le la fusuaga ma le alii peretania o Joe Joyce lea o loo ile tulaga valu I lea lava lisi.
I le faatulagana a le WBO o loo I le numera tasi Joyce ao Parker I le numera lua.
