Ua faate’ia le toatele i lipoti ua faalogoina i le atunuu e uiga i ata o nisi o tama taalo i le lakapi liki, lē lavalavā, ua liki i luga o upega tafailagi e aunoa ma ni a latou faatagana ina ia faatino ai lea tulaga.
E oo mai i le taimi nei e le o manino poo ai tama taaalo o loo aofia i le mataupu lea, fai mai le AFL o loo faia nei a latou suesuega ae a itiiti mai pe 45 tama taaalo o loo aafia ai, o nisi o loo taaalo pea i le taimi nei ma nisi ua lē o toe taaalo.
Ua talosaga le AFL i le atunuu ina ia faaaloalogia tulaga o tama taaalo ma nai o latou aiga i lenei mataupu ma’ale’ale ma faamautu mai e lei iai se maliega a i latou o loo aofia i ia ata ina ia faalauiloa ai faalauaitele.
Ua ofoina le fesoasoani, welfare support mo tama taaalo o loo aafia ma o loo galulue faatasi foi ma a latou kalapu i le sailia o lē na faatinoina lenei gaioiga lē manuia.
