O le Aso Faraile lenei 28 o Aperila ua faia ai le sailiga tupe a le tatou aulakapi o le Manu Samoa ua faaaoga ai auala o fesootaiga i televise ma nisi o leitio i lo tatou atunuu.
O se faamoemoe o le a saili seleni ai auā tapenaga o le Ipu o le lalolagi, aemaise o isi fuafuaga tau i le atiina a’e o le taaloga i Samoa.
O le nofoaga o le Malae Fatu i Sogi faafesagai ma le faletalimalo o le Tanoa Tusitala o loo faagasolo ai lea faamoemoe, ma ua faatagisia ai e le pulega o le Manu Samoa le fesoasoani a lo tatou atunuu, e le gata i Samoa a o atunuu i fafo.
