O le faaiuga o le vaiaso lea na feiloai ai le au a le Moana Pasifika ma le au malosi a le Blues mai Aukilani i le malae taalo i Eden Park.
E ui i le malosi o le finau ma le taumafai mai a le Moana Pasifika peitai e le’i solomuli ai le tali mai foi a le Blues ma oo mai ai i le iuga o le taaloga i le 46 a le Blues i le 16 a Moana Pasefika.
Na mua’i tau ai le au a le Moana i le afa muamua ina ua ova a’a i le pou a le alii o Christian Lealiifano mulimuli ane maua le sikoa a le alii o Tomasi Alosio.
Na malosi le tali mai o le Blues ma maua a latou sikoa e 7, o le sala ma a’a i le pou e 4. O le feiloaiga lona lua lea a nei au e lua mo le
Super Rugby ma e le’i manuia uma taumafaiga a le Moana Pasefika i nei taaloga uma e lua.
O le Aso 8 o Aperila o le a feiloai ai le Moana Pasifika ma le au a le Highlanders i Forsyth Bar Stadium i le 7:05 i le afiafi.
