Leai se tala mai le palemia Jacinda Ardern pe faamata e mulimuli Niu Sila i suiga o tulaga o le Koviti a Ausetalia.
O lea ua toe tasi le vaiaso le toe moomia le faia o ufi fofoga i luga o faigamalaga a vaalele i totonu o Ausetalia atoa ai ma le puupuu o le piriota faanofoesea, mai le 7 i le 5 aso.
A o talanoa mai ai le palemia o Niu Sila mai Marlborough ananafi, e lei tele sona finagalo i lea itu, pau o lea o loo galulue nei e iloilo le traffic light system lea o loo taitaia ai Niu Sila.
O se taimi e le o toe mamao e pei ona saunoa le palemia o le a faailoa mai ai i le atunuu le toe iloiloina o tulafono o puipuiga o le Koviti.
E ese mai ia Ausetalia, o le vaiaso talu ai na faailoa mai ai e Singapore e le o toe moomia le tau faia o le ufi fofoga i luga o vaalele seia vagana o loo e malaga i se isi atunuu o loo faamalosia ai pea le faia o le ufi fofoga.
