A o faatetele le Koviti i Saina o lea ua faamalosia mai e Amerika, Italia, Iapani, Taiwan, Meleisia ma Initia le tapa o siaki o pasese faimalaga atu mai Saina, ma mai ia Amerika o se faaiuga ua faia ona e le o faamaoni faamaumauga o tagata aafia o loo lipotia mai e Saina.
O lea e le o toe faailoaina mai e Saina pe fia sa’o tagata aafia i le Koviti ae toafia tagata maliliu i totonu o le aso.
Ae mai le matagaluega a le soifua maloloina a Niu Sila, e le o iai se suiga i le lamatia o o tatou tagata mai le Koviti ma e le o iai ni suiga i le taimi nei i pasese taunuu mai fafo.
Mai le alii polofesa ia Michael Baker, o Saina pe a ma le miliona cases fou i totonu o aso taitasi aemaise o lea ua aveesea uma e le malo sa o le Koviti, ma ona o lea e le taumate le faitau selau afe o tagata maliliu i totonu o le tolu masina.
I le taimi nei mai ia Baker e le o iai ni faamaoniga e iloa ai e ese le vairusi o loo tigaina ai Saina mai le vairusi o loo pepesi i totonu o Niu Sila, ma pau le popolega o le polofesa o le ono aafia ai o oloa o loo sapalai mai Saina.
