Ua amata taofia feoa’iga a trains a Aukilani.
E 32 aso lea ua amata faitau mai le aso ananafi e lē toe feoa’i ai ni trains a Aukilani, ma e lē gata i trains o loo feavea’i ai tagata feoa’i, o trains o loo feavea’ia faamomoli ae faapea isi trains o loo feoa’i i fafo atu o Aukilani.
O le taofia o trains feoa’i a Aukilani ua faia ai a o faasolo galuega faaleleia e tālia ai le tatalaina o le City Rail Link i le 2026.
O le aso 27 o Ianuari e toe feoa’i ai trains mo le aai, ma o le poloketi tele foi lenei ua faamatuu mai ai e le malo le $200 miliona e faauma ai galuega o loo faia.
O le silia ma le tasi le masina ua faitau nei e tapunia ai auala trains i Aukilani, o le ulua’i taimi lenei ua faaumiumi ai ona tapunia auala trains, lea e oo atu le aofa’i i le 96 aso e leai ai ni trains feoa’i i lenei faiga seia oo atu lava ia Ianuari 2026.
Puna o Faamatalaga: Auckland rail shutdown begins: What you need to know | RNZ News
