Ua unaia e le faiaoga o le Warriors, Andrew Webster le faaeteete i se isi ‘au lona lua a Niu Sila i le NRL poo le taamilosaga o le lakapi liki.
Ua faailoa i le Newshub i le vaiaso nei o lē sa avea ma faauluuluga o le NRL i le tuanai o David Moffat, o loo taulamua i le taumafaiga lea mo se isi ‘au lona lua a Niu Sila i le taamilosaga ma ua faailoa e fia faaigoa lea ‘au o le South Island Kea e faamautu i le Te Kaha Stadium i Kalaiesetete lea o loo faia nei iai galuega e faamoemoe e tatala ia Aperila 2026.
Fai mai Webster ua vave tele ona toe faaoso ane se isi ‘au a le atunuu ma e manaomia sina taimi e faamautu lelei ai foi le brand a le Warriors ia ma faaleleia.
Na ta’ua foi e Webster o lona manatu o le atunuu atoa o loo lagolago i le Warriors e lē iloa la pe aisea o le a faaleaga ai lea tulaga.
Puna o Faamatalaga: https://www.newshub.co.nz/home/sport/2024/06/nrl-nz-warriors-coach-andrew-webster-says-no-to-second-nz-based-nrl-team.html
