O se tala fiafia o lea ua faataga nei ona tui toto o nisi o tagata sa lei mafai.

O i latou nei na soifua ma nonofo i Peretania poo Farani i le va o le 1980 ma le 1996, o lea sa lē mafai ona foai atu o latou toto mo le 23 tausaga e mafua i se tasi o faama’i sa iai, lea e ono feaveai e le toto.

I nai vaiaso e lē o toe mamao ona lē toe iai lea o le sā, ma o le iuga manuia lea o le talosaga a le NZBlood na ave i le Medsafe.

Mai le NZBlood poo le faalapotopotoga o loo gafa ma le tuiina o toto o loo foaia e tagata i totonu o Niu Sila, a o faatali le aloaia o lea suiga o lea ua amata tapena iai e le gata o le faatautaiga o auaunaga ae ia lava le aufaigaluega.

O le 6 i le 8 vaiaso lea o loo tālia ai, ma ua fai mai le NZBlood e aloaia loa logo mai.

I totonu o le isi tausaga o i luma e silia ma le 40,000 nisi tagata Kiwi e moomia e ofoina mai o o latou toto ina ia faafetaia’ia ai le tele o le manaomia ma tuu ai le faalagolago i paina toto o loo aumai mai isi vaega o le lalolagi.