O tagata e aafia i le Koviti-19 o le a le toe manaomia ona faanofoesea, o le tulaga lea ua iai i lalo o tulafono fou ua pasia nei e le National Cabinet a Ausetalia.
I lalo o lea fuafuaga fou o le a na o tagata faigaluega i nofoaga o tagata matutua faapea le falemai, o le a manaomia ona nonofo i le fale pe a aafia i le faamai.
O isi tagata uma o le a mafai lava ona agai pea i galuega e tusa pe ua faamaonia le aafia i le faamai. O loo iai le fuafuaga e faalautele e le Palemia le malamalamaga i le mataupu lea i se feiloaiga ma tusitala ae ua faalogoina foi le eseese o finagalo faaalia o le toatele i lenei faaiuga.
Fai mai isi o lona uiga o le a faigofie foi la ona toe faapepesi mai le faamai i isi pe afai o le a tuu le saolotoga e feoai e tusa poo feaveai ai ma le siama o le faamai.
