O tagata o loo fuafua e malaga i Ausetalia mai malaga faavaomalo e amata atu i le asō o le a le toe faamalosia le faia o ni a latou talifofoga.
Ua lipotia lea tulaga e le 9News i le vaiaso nei, o le faaiuga ua faia ina ua mae’a le fonotaga a le Kapeneta aoao lea na aveesea ai foi le poloaiga e faia talifofoga i malaga i totonu lava o Ausetalia poo domestic flights.
Na amata faamamalu le faamalosia o le faia o talifofoga i faigamalaga faavaomalo i le masina o Ianuari 2021 e faaitiitia ai le pepesi o le faamai i luga o faigamalaga ma o lea la ua aveesea lea poloaiga i luga o le fautuaga mai le ofisa sili o le soifua maloloina.
Ua faailoa e le minisita o le soifua maloloina, Mark Butler e unaia pea tagata faimalaga i atunuu i fafo ina ia silasila pea i tulaga e ono lamatia ai le soifua ma faia gaioiga a le tagata lava ia mo lona puipuiga.
