E iai faigamalaga na le mafai ona faataunuuina i le malaevaalele faavaomalo i Aukilani i le asō ona o le mamafa o le puao na i luga o le aai tele i le taeao analeila i le mae’a o se po malulu anapo.
Fai mai le pulega a le malaevaalele o le tea o le valu i le taeao analeila na faatulaga ai sa i tulaga o mea faapea ae na toe aveesea i le 29 minute mulimuli ane.
Ta’ua e le sooupu a le Ea Niu SIla o le malaga mai Aukilani i Rotorua sa fuafua mo le taimi tonu lea sa faaleaogaina faapea foi ma le malaga mo New Plymouth.
Fai mai le lipoti sa aafia ai foi faigamalaga i Hamilton ma Rotorua i le puao lea ae lei afaina faigamalaga faavaomalo.
Sa lipotia foi e le Auckland Transport le iai o se faatuai i lana auaunaga i le taeao analeila ona o le puao i le Auckland Harbour.
O le mamafa foi o le puao i Hobsonville Point na mafua ai le faatuai i faigamalaga a vaa ae sa faaletonu foi le upega tafailagi a le Auckland Transport.
