E lē maluelue le matagaluega a le soifua mālōlōina e aveesea poloa’iga o loo faamalosia ai pea tui o tagata galulue i Ie matagaluega.
O le aso ananafi na solo tetee ai le tusa ma le to’a 100 i Hawkes Bay faapea isi vaega o le atunuu e talosaga le faamuta vave o poloa’iga o loo faamalosia ai tui mo tausima’i ina ia mafai ai ona toe foi tausima’i e le’i faia ni o latou tui e galulue ma fesoasoani i le pisi o loo iai nei.
Mai le sooupu a le matagaluega ua ia faailoa i tala a le Herald, e faatumau pea le poloa’iga o loo faamalosia ai tui mo tagata galulue i le soifua mālōlōina ona o le vavalalata o sootaga ma tagata e maualuga le lamatia mai le Koviti.
O loo tu malosi foi le sooupu o le faia o tui o tagata faigaluega i le soifua mālōlōina e aofia ai ma tausima’i o se faai’uga tatau lea mo le puipuiga o tagata lautele o le komiuniti.
I lalo o poloa’iga o loo iai nei, e tatau ona faia tuipuipui o le Koviti o soo se tasi e galue i lalo o auaunaga faalesoifua mālōlōina, ma afai ae lē usitaia e ono oo atu i le $15,000 le faasalaga tupe.
