E le o mafai ona faamautu ane e le peresetene o le FIFA, Gianni Infantino le mafai ona faia e sui o le Federation o le tufatufaina o le 44 afe Ausetalia o peimeni ua folafola i tamaitai taaalo uma i le Ipu o le lalolagi o le a faagasolo.
Na ia faailoa i se feiloaiga ma tusitala o loo ia faatalanoa nei le mataupu ma sui o le FIFA a o totogi e pei ona ta’ua e faia e national federations lea e ao ona totogi i tamaitai taaalo.
Fai mai Infantino o loo agai le mataupu i le itu sa’o ma ua faia foi feutanaiga ma asosi ma o a la peimeni o le a faia e faia mai lava i asosi ma tuuina atu ia latou tamaitai taaalo.
Ua mae’a ona faamaonia e le FIFA i le taimi ua sola e 732 le au taaalo o le a auai i le ipu o le lalolagi lenei o le a totogi a ititi mai e 44 afe a le tagata.
E siitia lea totogi pe a lelei taumafaiga a le ‘au ma e ono oo atu i le 398 afe e maua e le tagata taalo e toatasi o le ‘au e manumalo.
O se suiga tāua tele lea mo le toatele o le autaaalo aemaise o le totogi taatele o iai nei i le lalolagi mo le tausaga atoa i le itupa o tamaitai taaalo faapolofesa, e $20,600.
E lei mauafua lea suiga auā sa finauina foi e le autaaalo tamaitai ma le iuni o le FIFPRO ma o loo tumau pea isi finauga e tatau lava ona tutusa lelei vaegatupe e tuuina i taamilosaga tetele faapea a le itupa o tamaitai ma le itupa o alii ae fai mai Infantino o le faamoemoe ia oo atu i le 2026 ma le 2027 ua mafai ona faatutusa ia faailoga tupe e le gata o alii ae o le itupa foi o tamaitai.
