O tagata Niu Sila o loo fia foi mai ile atunuu mai Ausetalia o le a le aofia ai latou i e o le a maua avanoa e talosaga ai mo se potu faanofoesea ile MIQ, potu e 1250 e pei ona ofoina ile aso ona e le o iai ni faigamalaga talafeagai mo latou amata atu ia Mati agai ia Aperila.
Taua I tala ale One News o le a tatau ona faatali mo nisi avanoa mai le MIQ pe faatali foi pe mafai ona faanofoesea I o latou aiga mai le faaiuga o Fepuali ae le nonofo I nofoaga faanofoesea. Sa tatau ona amata faigamalaga mai Ausetalia I Niu Sila e aunoa ma se faanofoesea ile aso 17 o le masina lenei peitai o Tesema na toe faailoa ai e le malo ua faia le faaiuga e toe tolopo le tulaga lea ina ia taofiofia ai le pepesi o le Omicron ma faasolo ai pea le faiga o tui puipui faaopoopo poo boosters.
O le faatuai la o lona uiga o le a leai ni red flights poo faigamalaga ia sa fuafua mai Ausetalia ia Mati ma Aperila.Taua foi ile lipoti se manatu faaalia o se kulupu o tagata NIu Sila o loo poloka I atuuu I fafo lea e faaigoa le latou itulau o le Grounded Kiwis, fai mai a latou o le le aofia o tagata malaga mai Ausetalia ile lisi lea o le MIQ e le talafeagai.
Faailoa ai foi se finagalo o le taitai o le ACT, David Seymour, fai mai a ia e tatau ona faatoese le palemia ma le minisita o le koviti 19 Chris Hipkins I tagata Niu Sila o loo poloka I Ausetalia.
