Ina pepese Aleluia ua fanau le tupu! Ua lata mai le aso e faamanatu ai le fanau mai o Iesu, lo tatou Alii Faaola. Le pepe o le Kerisimasi. Amata nei loa le taumafaiga, e faagata i le aso 20 o Tesema. O le a faia le se’i i le aso lava lena i le 10 i le taeao. (faitau manino aiaiga)

Lē faigofie le tau fetuuna’i o faigamalaga a le Ea Niu Sila; faaauau pea ona faaleaogāina ona o le tau

To’atele pasese a le Ea Niu Sila e lē o fiafia a o fiu ai e toe saili faigamalaga a vaalele e foi mai ai i aiga.

Ona o uiga loulouā o le tau o loo iai pea nei, o lea lava foi na faaauau ona faalēaogāina nisi o faigamalaga ananafi ma e lē o faigofie i le kamupani vaalele a o taumafai ai foi e faasoasoa le to’atele o pasese aafia i le taimi pisi o le foi mai i tuuaga.

E ui o lea ua faaopoopo faigamalaga a vaalele, e lē o faigofie i le toatele e pei ona molimau ai i tala a le Herald lea ua tele ina toe fesuia’i solo isi aai o Niu Sila e o agai iai e saili mai ai avanoa e foi mai ai i Aukilani.

I molimau a nisi e oo lava foi i faigamalaga na ofo mai e le kamupani vaalele e suia agai iai faigamalaga na muai aafia, e le’i oo foi.

E lē o faigamalaga uma foi o loo mafai ona fesoasoani mai ai le kamupani vaalele e su’e faletalimalo e agai iai pasese aafia, ma o loo fautuaina ai le tapa i inisiua.

E ese mai i uiga loulouā o le tau, o loo aafia foi faigamalaga a vaalele ona o le mama’i o le aufaigaluega.