E 14 tausaga o se tamaititi ua ta’ua mai sa poloka ai i totonu o se taavale na aafia i se faalavelave i Sini i le taeao analeila.

O loo ta’ua i lipoti poo le te’a o le 12 i le vaveao analeila na vaaia ai e leoleo se taavale o alu faalautata’i i le alatele i Whalan ma taumafai ai e taofia lea taavale peitai e le’i tu ane ma fai ai loa tuliga ma leoleo.

I se taimi mulimuli ane e pei ona lipotia na lavea ai le taavale lea ina ua soso’a atu ai isi taavale e lua ma se laau i luga o le magāala lava lea o Luxford Rd i Whalan.

Fai mai o le avetaavale e 14 tausaga na omia ai i totonu o le taavale mo se itula a o taumafai galuega lavea’i, ma ave atu ai loa i le falema’i o loo faia iai togafitiga.

Fai mai leoleo o loo faagasolo le latou su’esu’ega i le mataupu.

Puna o Faamatalaga: https://www.9news.com.au/national/boy-in-hospital-after-serious-crash-western-sydney/dedbcf75-9b6f-4566-837e-5e88421363b8