Pe ā ma le 50 tausaga o se tamā ua maliu ina ua lavea i se taavale i Paramatta Rd i Ashfield i le aso ananafi. Fai mai le 9News sa aafia lē ua maliu i manu’aga i lona ulu ma ua faailoa foi i luga o televise ma upega tafailagi le tele o taavale a le falema’i ma leoleo i le nofoaga na tupu ai le faalavelave ma poloka foi auala.
O loo ta’ua i lipoti o lē ua aafia na savali ane i le alatele ae lavea ai i le taavale. Sa taumafai iai galuega lavea’i peitai e le’i manuia. Sa tapunia magaala i le faaitu lea a o faia su’esu’ega ma na fautuaina foi taavale ia alofia lea faaitu a o faia su’esu’ega a leoleo.
E le’i ta’ua mai poo ai e sese i le faalavelave lea.
