O se tala faanoanoa mai Bay of Plenty i si alii taalo i le lakapi liki lea na faamanu’alia i le faaiuga o le vaiaso i se taaloga na taalo ai.

Ua faailoa mai e le Stuff.co.nz o si alii taalo o Tere Livingston na manu’a tigaina i le taaloga lea i le aso 10 o Iuni ma aafia ai lona faiai tulou ma ua ta’ua i se faaaliga a le kalapu i ona sui taaalo o le a lē mafai ona toe faafoisia lona malosi. 

Sa faailoa e lana paaga si tamaitai o Chloe Withrington i le lipoti na te iloa e toatele o le a mananao e agai atu e vaai Tere ma e lē o toe mamao ona faailoa mai lea o tulaga ua fuafua mo ia.

Sa faamatala e Chloe, o Tere o se tagata loto alofa ma o se tamā lelei i si a la tama faatoa 19 masina le matua.

O se sailigatupe e fesoasoani ai i si aiga ua oo atu nei i le silia ma le 50 afe ua mafai ona faamauina i le taimi nei.

O lē ua aafia sa taalo i le Papamoa Bulldogs.