Ua atili ona latalata le faaitiitia o aitalafu poo student loans a le faitau miliona o tagata Ausetalia ina ua pasia le faitauga muamua o se pili e faatatau i le mataupu lea i le Maota o Sui i le vaiaso nei.
Fai mai pe ā ma le 3 miliona tagata Ausetalia o loo iai nonogatupe nei ma o le pili la o loo faatalanoaina o le Debt Relief Bill a le Leipa ma afai ae pasia i le Senate, ona otomeki lea ona aveesea e le ATO vaegatupe talafeagai mai aitalafu a i latou e agavaa.
Saunoa le minisita o Aoga i se faata’ita’iga o lea tulaga afai o se tagata ua faauu ae iai sana aitalafu pe $26,500 o lona uiga pe ā ma le $1,200 e aveesea mai lana nonogatupe i lalo o faiga faavae fou ia pe a pasia.
Mo i latou sa totogi pea nonogatupe ia ma aitalafu o le a toe refund iai a latou tupe aga’i ia latou tusitupe.
Fai mai le minisita i se pepa o faamatalaga ua tulalata lava i le aveesea mai o le lata i le 3 piliona o tupe mai nonogatupe a le silia ma le 3 miliona o tagata Ausetalia.
Puna o Faamatalaga: https://www.9news.com.au/national/millions-of-australian-students-one-step-closer-to-debt-relief/0747c6c3-99d0-40a3-8b55-57b79bd934e1
