Ua tatau ona toe faatulaga tapenaga a le lalolagi e tali atu ai I le pepesi o le Koviti o loo iai nei

O le faaupuga lea o loo sau ma le ripoti a le WHO – poo le faalapotopotoga a le soifua maloloina I le lalolagi, ma o se fautuaga ua faia i le maua ai I lea ripoti e le I manuia taumafaiga e puipuia mai ai tagata mai le Koviti e le gata I totonu o atunuu taitasi ae faapea le va ma isi atunuu

O se lapataiga ua tali ai le o loo suesue faapitoa I itu tau soifua maloloina, Michael Baker, o loo lelei suiga a Niu Sila o loo iai nei, e ala lea I le toe faatulaga o lana system mo le matagaluega a le soifua maloloina

Mai le malo o lea faatulagana fou ua faaopoopo ai le vaega fou ua taua o le Public Health Agency ma o I latou nei o loo faia tapenaga e tali atu ai I nisi faamai e ono toe osofai mai ile lumanai

Ao mafanafana ai la Niu Sila I ana fesuiaiga, o loo faailo mai foi e le ripoti a le WHO, o nei tapenaga I totonu o atunuu taitasi e alualu gata seia vagana ua galulue faatasi le komiuniti I le lalolagi atoa