Ua tuuina mai se lapata’iga mai sui o le soifua mālōlōina i NSW ma Kuiniselani mo tagata i ia setete ina ia faaeteete ina ua toe faamauina foi se tasi ua aafia i le misela mai le faaitu i Sisifo o Sini faapea ma le malaevaalele i le Gold Coast.
Fai mai le soifua mālōlōina i NSW o le tagata lea na malaga mai i Sini mai se malaga mai Vietnam lea o loo pepesi tele ai le misela.
Ua fautuaina soo se tasi sa iai i luga o lea faigamalaga ma afea foi nofoaga sa aga’i iai lea tagata ina ia vaavaai pe iai ni āuga o lea faama’i.
O isi nofoaga e aofia ai le Family Doctors i Berala.
I Kuiniselani ua fautuaina e le soifua mālōlōina tagata ia silafia o se tagata e aafia i le misela sa iai i le Gold Coast e aunoa ma se iloa o loo aafia.
Fai mai o soo se tasi sa i luga o le faigamalaga a le Qantas Qf596 mai le malaevaalele i Sini aga’i i le Gold Coast lea na taunuu i le ‘afa o le 9 i le po o le aso 17 o Ianuari, fautuaina ia silasila poo iai ni āuga o le misela.
E aafia ai tagata i le fiva, tale, tafe o le isu ma se mageso i le tino faapea foi ma le tiga o mata.
Puna o Faamatalaga: https://www.9news.com.au/national/measles-alerts-issued-for-western-sydney-and-gold-coast/22c2889a-e785-4ef2-845b-e3360aff449b
