Ua lapata’i Anthony Albanese i le alii pilionea o Elon Musk ia aua ne’i faalavelave ane i le faigapalota o le a faia a Ausetalia.
I se faatalanoaga a Albanese ma le Nine newspapers na fesiligia ai le Palemia e faatatau i gaioiga a Musk o loo faapea ona faia i palota faavaomalo.
Fai mai Albanese o loo iai tulafono a Ausetalia i mataupu faapea ma i latou e faalavelave iai ma o le mataupu lava ia e patino lava i tagata Ausetalia.
O le vaiaso talu ai sa faamau ai se finagalo o Musk e faatatau i faigapalota a Siamani.
Ua ta’ua ai foi i lea lipoti le feta’ua’ina e silia ma le kuata piliona sa faaaogā e Musk i le taumafaiga ina ia toe faatula’i mai Donald Trump.
Puna o Faamatalaga: https://amp.9news.com.au/article/f1d11e01-850d-4515-87cb-0833bef2c2f9
