Fai mai lipoti a le Microsoft, a o gaoi ai e se tasi o faalapotopotoga o loo totogi e Saina faamaumauga a Amerika, e ono lavea atu ai ma Niu Sila, Ausetalia, Kanata ma Peretania.
E le o mautinoa i le taimi nei e tusa ma faamatalaga a le National Security Agency pe fia faalapotopotoga a le malo tele ua liki faamaumauga ona o faiga nei, peitai pau le tala ua mautinoa mai i le taimi nei o loo galulue ma paaga e iai ma Niu Sila e suesue.
Fai mai le Microsoft o faiga faagaoi o loo tu mai ai i tua Saina o loo taulai lava lea i fesootaiga tāua i le va o Amerika ma Asia e faatatau i le lumanai ma aafiaga o le maketi ma o le popolega o loo iai, o le lē iloa poo ā mea ia e fafau mai ai i tua.
Ona o Guam o loo faamautu ai fale a le militeli a Amerika o lea foi ua lavea atu ai ma Guam.
I se tali a Niu Sila, o lea o loo galue mataalia i faiga faaalatua nei.
Ae i lipoti a le leitio a Niu Sila, e lei fia vave tali mai le amepasa o Saina o loo i Ueligitone e tusa ma lipoti nei.
