Afai ae oo mai le faama’i i meaola le foot and mouth i le atunuu o lona uiga o le a taofia uma loa fefaataua’iga rural training ma o le a silia ma le 100 afe galuega o le a iai i se tulaga lamatia, o se saunoaga lea mai le Palemia o le atunuu, Jacinda Ardern.  

Lipotia i le ZB ua faatulaga e le Palemia ma le minisita o Biosecurity, Damien O’Connor ni laasaga e ao ona faia e taumafai ai e faamautu e lē oo mai le faama’i lea i Niu Sila nei.  

I le feiloa’iga masani a le Palemia ma tusitala i le vaiaso nei sa faailoa ai e Ardern e lei iai lava se taimi na pepesi ai le foot and mouth i Niu SIla ma o se faama’i o loo pepesi i Indonesia ma e ao ai ona faaeteete Niu Sila ma o le a faia gaioiga uma talafeagai mo le puipuiga e ui e leai ni malaga tuusa’o mai Indonesia i Niu SIla. 

Ua talosagaina tagata Niu Sila femalagaa’i ia faamaoni i le ta’uina ane o nofoaga na iai a o malaga i atunuu i fafo aemaise e lē gata i lea ua ta’ua foi i isi lipoti le ono faaaogāina o fala poo mats faapitoa ua tuuina iai vailaau e faamamā ese ai siama mai seevae.