O le faaiuga o le vaiaso nei e faatautaia ai taaloga semifinals o le Super Rugby lea e amata i le fetauiga a le Crusaders ma le Blues.
Sa faailoa ai e le faiaoga o Sir Steve Hansen i lana faatalanoaga i luga o le Newsable, ma ia ta’ua ai o le taamilosaga ua eseese finagalo faaalia iai o tagata ma e iai nai manatu lelei o loo maua atu mai Ausetalia i ni nai mea e ono faaleleia atili ai.
E manatu Hansen e lelei le fetuutuunai ia mafai ai ona faataitai nisi o ia finagalo faaalia.
Fesiligia i le tama taalo tulaga ese lana taalo i le taamilosaga o lenei tausaga, fai mai Hansen o le alii o Damien McKenzie.
O le isi semifinal e fetaui ai le Chiefs ma le Brumbies.
O le taaloga i le po nanei a le Crusaders ma le Blues e faia i Orangetheory Stadium i Kalaiesetete ma le taaloga a le Chiefs ma le Brumbies e faia i le FMG Stadium i Hamilton i le aso a taeao.
