E tele aoga tulagalua o le a vave tuua i le asō ona o le auai o faiaoga i le fono ma le iuni.
O se taimi puupuu lea na toe pisi ai mātua o fanau o loo i aoga tulagalua lea e na o le tolu aso, e ese mai le 2 vaiaso e masani ona vave logo ai mātua pe a tapena se solo tetee poo ni fonotaga foi e aafia ai aoga a fanau.
O le asō lea na palota ai faiaoga o aoga tulagalua e faia le isi tetee i le uma ai o le fono ma teena e le iuni le ofo mai le malo.
Peitai e oo mai i le Aso Sa ua toe sui le faaiuga ma o lea ua le tetee ai i le asō, ae fono e talanoa ai le isi ofo mai le malo e faatatau i o latou totogi.
Ua fai mai ai le sui o le iuni e malamalama i le toatele o mātua ua faaseā i le laititi o le taimi ua tuuina mai e toe tau fetuunai ai suiga mo fanau, peitai ona o le aso lava lea sa faapea e tetee ai mo le aso atoa o le mafuaaga lea o le lē faasalavei o le matagaluega i le faaiuga ua iai i le asō.
O le toatele o mātua o loo faaseā e le fiafia ona o le taugata o after-school care.
O le tele o aoga tulagalua e tuua i le toe 15 minute i le itula e tasi i le asō.
