E silia ma le miliona trays o kiwifruit mai Niu Sila nei ua toe lafoai uma ona o isumu na maua i le uta na alu e faamoemoe mo Europa.
O isumu nei na maua i le uta muamua na alu i le masina talu ai, ma talu mai le mea na tupu ua faaopoopo suesuega a le kamupani a le Zespri lea o loo faatauina atu i maketi i fafo.
Na faamaonia mai e le Pule Sili o le kamupani na iu ai lava ina o nisi o le aufaigaluega i Belgium e fesoasoani i suesuega.
E ui i le tele o le taimi ma tupe alu, ae ua manino e lē mananao paaga i fafo i le kiwifruit ona o le tulaga fesiligia, ma ua faia ai ma le faaiuga a le Zespri e lafoai uma.
E tusa ma le $34 miliona le tau atoa ua ma’umau ona o le mea na tupu, ma o loo galulue ai nei le Zespri ma lana inisiua faapea paaga o loo lafoina i fafo.
Puna o Faamatalaga: https://www.nzherald.co.nz/the-country/news/mice-on-zespri-ship-over-a-million-trays-of-kiwifruit-to-be-destroyed/B5VIQVH2HVEQTDWP5RSKMQXUBA
