Ua lafo atu nei e le Pulega o le aai o Kalaiesetete le Christchurch City Council se pili e 14,000 mo le faatonutonuina o le traffic, agai ia I latou sa tuufaatasia se solotetee faasaga I vavao ma le faamalosia o le faia o tui puipui.

Ua lipotia e le Newstalk ile aso le faamaonia mai e se sooupu o le Council o lea tulaga ma ua o latou tuuina atu nei le invoice o lea pili I le Freedom and Rights Coalition group lea na amataina e le taitai o le ekalesia a le Destiny, o Brian Tamaki.

O le pili e aofia ai le totogi o mea sa faaaogaina I solo tetee e tolu I Cranmer Square ma isi vaega o Kalaiesetete ile faaiuga o le tausaga na tea nei. Fai mai le sooupu a le Council e iai foi isi invoice ole a lafo atu ia I latou na tuufaatasia se rally sa faia I Hagley Park ilea so toonai ma se savali sa faia I Riccarton Road.

Ua faailoa foi ile lipoti o Cranmer Square ose paka e faapitoa mo nao faamoemoe e faamanatu ai ni sauniga pei o le Anzac ae o loo fetauaina foi sa auai Tamaki ile rally iHagley Park ile aso toonai ae fai mai se sooupu a le Destiny ole faamoemoe lea e le o se solo tetee, o se pikiniki a le aiga.