O le fuafuaga e fausia se aoga faafomai lona tolu a le atunuu na laasia se isi laasaga i luma i le asō i le Iunivesite o Waikato ma sainia ai loa ma le maliega Memorandum of understanding mo le faagaioia o lea faamoemoe.
O le minisita o le Soifua Maloloina a Ausetalia, Dr Shane Reti na ia ta’ua o le faiga o lea maliega o se faamoemoega autu i le 100 day plan a le malo poo uluai fuafuaga e 100 a le malo fou ua tulai mai nei.
Ua faailoa o le a galulue ai le matagaluega ma le Iunivesite o Waikato ia faamautinoa e ausia mea o loo manaomia mo le soifua maloloina o le tagata Niu Sila.
Faailoa se finagalo o le sui faaao o le Iunivesite, Prof Neil Quigley e manaomia lava le a’oa’oina o nisi fomai faaopoopo ona o se tasi lea o faafitauli o loo iai nei i le auaunaga.
