E lē sao i le mafaufau o le pulenuu o Aukilani le talanoa e minisita o tonu o auala train a Aukilani, e aunoa ma le logoina o le Council.
O le aso ananafi e tusa ma lipoti faatoa iloa ai e le pulenuu ia Wayne Brown o lea ua mae’a faatonuina e minisita o tupe faapea le minisita o fale, Grant Robertson ma Megan Woods le Kainga Ora e tusa ma nisi o poloketi faapitoa e aafia ai nofoaga e uia e auala train.
Fai mai Brown ua lava, ma e le taliaina le faatonu mai e le minisita e sau mai le South Island o mea e fai i Aukilani, ma o loo faatatau lea i le minisita o fale, Megan Woods.
Mai sui faaulu o le Auckland Council, o faatonuga a le malo ua faia agai i le Kainga Ora ua o se faailoga o le leai o se talitonuina e le malo o le Council a Aukilani.
O poloketi faapitoa ua fuafua ma o loo sau ai e aafia ai auala train, o le va o Magele ma le taulaga.
Ua talosaga aloaia councillors agai i le pulenuu ia faafesootai le alii palemia Chris Hipkins, o le minisita o tupe faapea le minisita o fale, ia toe faaui i tua le talosaga seia talanoa muamua ma paaga o loo lagolagoina auala train a Aukilani lea e aofia ai ma le Auckland Council.
