Ua sa’ilia nei e loia o loo feagai ma le matāupu i lē sa avea ma Peresetene o Korea i Saute i tausaga ua tuana’i, o Yoon Suk Yeol, le tuuina o le faasalaga oti iai pe afai ae faamaonia ona moliaga e faatatau i lona taumafai e pulea le atunuu faamiliteli.
O lana gaioiga lea na faia ia Tesema 2024 na aafia ai le atunuu i vesiga faapolokiki ma i’u ai ina molia e le Palemene ma taofia ai loa e tula’i i lona faamasinoga.
O loo ia teena ona moliaga ma finau ane o le martial law o se faailo lea e faailoa faalaua’itele ai i tagata tulaga o loo tula’i mai i le Itu Agai a le atunuu.
Sa gata i le 1996 ona tuuina sea ituaiga faasalaga i se tasi i le atunuu ae o lea ua finau ai loia o loo tetee ia Yeol.
O loo lipotia la o Fepuari o loo tālia ai se faai’uga a le faamasinoga i lea matāupu.
Puna o Faamatalaga: https://www.bbc.com/news/articles/cq6vyqq5r0do
