Ua faailoa i lipoti i le asō o Will Skelton lea o le a kapeteniina le ‘au a Ausetalia le Wallabies i le Ipu o le Lalolagi i le masina fou.
O Skelton e 31 tausaga ua 28 ana taaloga mo Ausetalia ma ua suitulaga ai ia James Slipper sa kapeteni.
O isi suiga o le ‘au ua lē aofia ai le alii o Quade Cooper ae o le isi talavou e 18 tausaga o Max Jorgensen, o se alii taalo aupito laitiiti lea ua ulufale i le ‘au a Ausetalia i le World Cup pe afai ae maua sana taaloga.
O le isi sui fou i le ‘au o le ‘afa o Issak Fines-Leleiwasa ua suitulaga ia Ryan Lonergan ae o Ikitau ma Jed Holloway isi e lē o aofia ai.
