Ua faia le faai’uga a le Faamasinoga aupito Maualuga a le Iuni a Europa ua ta’ua ai o faaipoipoga a itupa tutusa e tatau ona faaaloalogia i lea itulagi, ma ua fetuu ai le faai’uga a Polani e latou te lē taliaina lea tulaga e pei ona iai se faaipoipoga a ona tagata sitiseni se to’alua sa faatino i Siamani.
Ta’ua e le CNN i le asō fai mai le faamasinoga lea o loo sesē Polani i le lē amana’iaina o le faaipoipoga a tagata ia e to’alua ina ua toe aga’i atu e aumau i Polani, auā o le tulafono a Polani e faasā ai le faaipoipo o itupa tutusa.
O sitiseni o le Iuni a Europa e sa’oloto e feoa’i i isi setete ma amata ai o latou aiga ma e tatau foi ona iai le sa’olotoga lea e faaauau ai pe a toe foi ane i o latou lava atunuu e pei ona faailoa e le CNN.
E eseese taofi faaalia o tagata i le matāupu lenei i luga o upega tafa’ilagi e pei lava foi ona iai i vaega eseese o le lalolagi ae na māfua ona oo le matāupu i le Faamasinoga Maualuga lea a Europa ona o se talosaga mai se faamasinoga i Polani sa faafoeina le matāupu lea i le faaipoipoga a alii e to’alua mai Polani sa teena le faaliliuina o le la pepa faaipoipo i le lesitala a Polani ona o le tulafono o loo mautū a lea atunuu e faasā ai faaipoipoga a itupa tutusa.
Puna o Faamatalaga: https://edition.cnn.com/2025/11/25/world/eu-court-says-same-sex-marriages-bloc-latam-intl
