O loo su’esu’eina nei e le atunuu o Italia faamatalaga e faapea e iai tulisi sa totogi e malaga i Bosnia e fasioti tagata o loo iai.
O le ofisa o le public prosecutor poo le ofisa loia faalaua’itele i Milan ua aga’i nei ana su’esu’ega i le matāupu lea, fai mai na faimalaga ai tagata sitiseni Italia i Bosnia Herzegovina e fasioti tagata i le vaitau amata o le 1990.
Fai mai e eseese uma tupe sa ofoina mo le faataunuuina o le fasiotia o tagata ae silia ma le 11 afe tagata na fasiotia ai i le taua lea i Sarajevo e fā tausaga na faia ai.
O loo faagasolo su’esu’ega i le matāupu peita’i o le faamatalaga a sui o le vaegā’au a Peretania sa tautua i Sarajevo i le vaitau lea o le 1990, e latou te le’i faalogoina lava ni faamatalaga e faatatau i lea matāupu i le taimi ua sola.
Puna o Faamatalaga: https://www.bbc.com/news/articles/c3epygq5272o
