Ua faamatuu ane e le Faamasinoga o soligatulafono faavaomalo le International Criminal Court se poloa’iga e pu’eina ai le Palemia o Isaraelu, Benjamin Nethanyahu ma lē sa avea ma minisita o le puipuiga a Isaraelu o Yoav Gallant, tuua’ia ai i laua i soligatulafono tau le taua i Gaza.
O le isi foi na aga’i iai le isi poloa’iga o se ta’ita’iau a le Hamas e talitonuina ua maliu i se osofa’iga a Isaraelu.
Fai mai le faamasinoga ma lipotia i le CNN, e talitonu e iai le matafaioi a Netanyahu i soligatulafono o le taua lea e aofia ai le faaaogā o le faaoge o tagata, o se tasi o a’upega o le taua aemaise isi soligatulafono e pei o le fasiotia o tagata ma isi.
Fai mai le ofisa o le Palemia o Isaraelu e latou te tetee i ia tuua’iga.
O finagalo faaalia o nisi faalapotopotoga faavaomalo ua lapata’ia ai Isaraelu e ao ona utagia le poloa’iga mai le faamasinoga lea le ICC peitai o le tali mai le ofisa o Nethanyahu e tetee i tuua’iga sese ua faia e le ICC faasaga i le Palemia ma ta’ua ai o le ICC o se totino e faaitu’au ana faai’uga faapolokiki ma faailoga tagata foi.
Puna o Faamatalaga: https://edition.cnn.com/world/live-news/israel-gaza-netanyahu-11-2024-intl/index.html
