Ua faailoa e le BBC e to’atele tagata Isaraelu ua faia a latou osofa’iga agai i se warehouse poo se fale teuoloa a Palesitina i Bedouin village aemaise se nofoaga o faato’aga i le itu i Mātū o le West Bank i le vaiaso nei.
Fai mai le lipoti e to’atele tagata Palesitina na manunu’a i ia osofa’iga ma ua tupu tonu i le taimi o le seleselega o le olive o le taimi e aga’i ai tagata Palesitina ia latou faato’aga i nuu ma taulaga.
Na fausia e Isaraelu nofoaga e faanonofo ai le tusa ma le 700 afe o o latou tagata i le West Bank ma le itu i Sasa’e o Ierusalema ae e aumau ai ma le tusa pe 3.3 miliona o tagata Palesitina i ia lava faaitu.
O i la lea ua tula’i mai ai le vevesi ua ta’ua e nisi lipoti sa tau’ai ane e nisi tagata Isaraelu maa ia i latou o tagata Palesitina sa aga’i ane e tau le olive ma manunu’a ai nisi.
O le aoina poo le seleseleina o le olive o se fuafuaga tele lea faaletausaga i Palesitina ma o se ālatupe tāua foi mo le to’atele.
Puna o Faamatalaga: https://www.bbc.com/news/articles/c78zygz4xg9o
