Ua faasolo atu i le tolu o aso o faia pea solo tete’e ma faailoa le lē fiafia o tagata i le tulaga o le tupe a le atunuu ma le siitia maualuga o le tau o oloa e amata mai i le laumua o le atunuu o Tehran agai i isi aai.
O solo tete’e na amata i le Aso Sa ina ua maitauina le matua’i pa’ū maualalo o le tupe Iran faatusa i le tālā Amerika i le maketi.
Na i’u ina fa’aaoga ai e leoleo kasa faatagimata (tear gas) e faata’ape ai le toatele o le ‘au tete’e ma faailoa ai e le faigamalo e mafai ona o latou faalogo ma le toto’a i tete’e ma ua faatonu foi e le Peresetene o Masoud Pezeshkian le Minisita e feagai ma le mataupu lea ina ia faatulaga ni talanoaga e faia ma le ‘au tete’e ma ia faatino vave loa.
O tamaiti aoga i Iunivesite o isi o loo toatele ai le ‘au tetee ma ua agiga fo’i isi o faamatalaga le manuia ua faia faasaga i le peresetene ma le faigamalo.
O le tali a le Peresetene i ituaiga fa’amatalaga fa’apea ma gaioiga fia malosi, o le a le lelei foi le tali ane i Iran ma o le a ogaoga.
Puna o Faamatalaga: https://www.bbc.com/news/articles/cqj2llkjv8vo
